السلام عليكم ورحمة الله وبركاته كيفكم حبيباتي 💖 اليوم جبت لكم موضوع عن طريقة التنفس الصحيح وقت الطلق ومرحلة الدفع هالشي حيخفف عنكم الالم ان شاء الله ويساعدكم علولادة سهلة وميسرة نقلته لكم من رولا قطامي عاليوتيوب وان شاء الله يفيدكم 💌💌💌💌💌 المرحلة الاولى : وقت الطلق ملاحظات 1 حتستفيدي منها لمن تكون المدة بين الطلقة والثانية منتظمة اللي هوا طلق الولادة 2 يفضل انك تكوني في وضعية الجلوس عشان تساعدك الجاذبية الارضية في نزول الطفل نيجي لطريقة التنفس بتكون نفس عميق من الانف لناخذ كمية اكبر من الاكسجين بعدها بنخرجو من الفم نشبهه ( كانك بتشمي وردة وبعدها تطفي شمعة ) بنتفس بهادي الطريقة مدة 1 دقيقة اللي هيا مدة الطلقة ⏰ بس بيروح الوجع تاخذي رشفة موية عشان نرطب عضلة الرحم اللي نشفت مع الطلقة💯 💌💌💌💌💌 المرحلة الثانية : مرحلة الدفع وخروج الرأس بنتنفس بهاي الطريقة ناخذ نفس عمييق من الفم وبنحبسه جوا وندفع لمدة 6 ثواني 1 2 3 4 5 6 بعدين نطلع الهوا ع برا ونااخذ علطول نفس ثاني وبنكرر الخطواات نفسها ولانو الطلقة مدتها دقيقة بنحتاج تنفس بهاذي الطريقة 4 مرات عشان نستفيد اكثر من الطلقة وما نضيعها علينا ⏰ بس بتخلص الطلقة تبلي ريقك بشوية موية وبترتاحي لحتى الطلقة اللي بعدها غالبا بيكون بينااتهم دقيقة وحدة 💯 وبس لا تنسو كمان اهم حاجة التوكل عل الله واذكري الله وادعي بين الطلقات والله يسهل ولادتكم جميعا اتمنى يفيدكم الموضوع ويساعدكم ودعواتكم لي بالولادة السهلة والميسرة تحياتي 💚 🌸🌸🌸🌸🌸🌸🌸🌸