العضوة: 74779 , 9 years ago

وربي صدقت واحده هنا بعض الحريم لاشافو واحده بتسوي تجميل يجيهم حسد لاتعرف تتضبط اكثر حب لأخيك المسلم كما تحبه لنفسه هذي معلومات للي تبي 1__تسوي التجميل بعد الشق تستمرين على غسول مطهر خاص بالولاده اللي بتوصفه لك الدكتوره 2_بعد الغسول نشفي المنطقه بفوطه مخصصه ونظيفه وادهني عليها مرهم ميبو 😃👍 . هالخطوات مرتين باليوم لمدة اسبوعين ولاتنسي تخلي الدكتوره توصف لك ملين عشان مايصعب عليك موضوع الحمام😅 ربع غطا يكفي يسري مفعوله ليومين وهذا اكيد حتى اللي مو مسويه تجميل لازم الملين عشان ماتتعب اذا راحت الحمام . 3__دووم حافظي على المنطقه تكون جافه ونظيفه عشان ما يجي التهاب للجرح وتشفى سريع اول اسبوع ع الاقل حاولي تخلي رجولك مباعده عن بعض عشان ماتنكتم المنطقه . 4__لاتنسي قهوة القشر والتمر لازم تاكلين وتشربين كثري منها تنظف الرحم من باقي الافرازات حق الولاده ومهم تدفين عشان مايدخلك هوا ولاتعصبين اول اسبوع اقل شي عشان مع الصياح ممكن تشد عليك الخياطه وتتعبك شوي . وبعد الاستمرار ع هالامور لمدة اسبوعين تلاقي الخيوط نشفت والجرح التئم . انا بعد هالخطوات خلال اسبوع اروح اشيل الخياطه لانها تجميل دكتورتي تقول ارجع عشان تشيل الخيوط الزبده بعد اسبوع اشيل الخياطه و افضل على الغسول بعد مرور ابدا اتنقع بمويه وملح انقاس مره كل شهر وسلامتكم جدولي كامل بالتفصيل😂 والله . المهم وربي ي بنات ان تدعو لي اللي سوت تجميلي او شق العجان تسوي هالخطوات ماتندم اقسم بالله المهم النظافه والترطيب وشرب القهوه وتدفي وتهوية المنطقه انا جايبه 3 مرات ولليوم كأنو عروس اقسم بالله حتى زوجي بعد كل ولاده يطلب تسوي لي الدكتوره تجميلي نفس قبل والله على مااقول شهيد اللي استفاده ادعي لي ان ربي يحقق لي اللي في بالي ☺💓 اسفه طولت بس من قلبي الشرح .وماعليكم من اللي يسكرو الدنيا بوجهكم اذا قلتو تجميل وشق يحسوكم انه اخر الحياه وكلشي بينهار ماجربو بس كلام يسمعونه انا جربت وهذي تجربتي كتبتها لكم

العضوة: 72483 , 9 years ago

@user-74779 مايحتاج نتعب ونقنعك بخطأ كلامك لأن على كبر بتشوفين نتايج الموضوع وربي يخارجك وقتها ، وطبيعي يتشقق على قولتك دامك تدفعين غلط وقت الولادة ولاعندك لياقة بدنيه ولا إنتِ مسويه مساج للمنطقة قبل الولادة وأثناء الولادة ولاكمادات دافيه ولاتنفس صحيح ، بس صراخ و تنفس غلط ودفع غلط وتبغين تخلصين من الألم اللي جالس يزيد بسبب أخطائك فطبيعي تخلينها تشق أو ينشق تشققات بشعه بسبب الغباء والجهل ، لذا جهلك لاتعممينه على غيرك احتفظي بمعلوماتك المغلوطة لنفسك ولو أنها على قولتك فادتك فايدة وقتيه رغم إني أشك أصلا ، لاتخربين على البكريات وتخلينهم يذوقون مرارة شق العجان والآم الخياطة إلخ...، آخر شيء تقدرين تطرحين تجربتك بدون ماتسوين هالحفلة كلها وتكذبين كلام علمي وطبي عشان خاطر تجربتك الفذّه ، قاتل الله الجهل وغباء النساء.

العضوة: 74779 , 9 years ago

@user-72483 اوك تيسري ي ماما هالايام الزوج بعد ولادة زوجته ينتظر اول ليله كيف صارت زوجته لا على كبر ولا شي مقتنعه اوك ماطلبت تؤمني بكلامي لانو موجه فقط للي تبي تسوي تجميل بعد الشق😉

العضوة: 74779 , 9 years ago

بنات كل واحده تسوي اللي مقتنعه فيه وانا ماقلت الا تجربتي مستحيل ماسوي خياطه تجميل يمكن نفسي انا مااتقبل لان اتخيل العضلات وكله اكيد بيكون تأثر من خروج الجنين ف كلامي للي محتاجه تعرف اكثر ....ماغصبت واحده تؤمن بتجربتي فمابي درعمه ومنشن ماتبين غيرك يبي انتي ولدتي بدون شاطره ماشاءالله خلاص كلامي للي يبو يعرفو اكثر

العضوة: 74779 , 9 years ago

😂😂😂😂😂متت اللي قالت همك تبي يشقو عشان تخلصي من الالم 😂😂😂 اجل استمتع بالالم مثلا واقول لا لا عادي خلوني اتألم زياده انا مبسوطه

العضوة: 72483 , 9 years ago

@user-74779 الدليل القوي إنها فادتك فائدة خارجية ومن الداخل ضعيفه ، زوجك يطلبك تسوين تجميليه بعد كل ولادة هذا أكبر دليل يثبت إنه يعاني وفي باله لو سويتي بتتحسن المنطقه ولكن الكتاب واضح من عنوانه ، الولادة تسبب ضعف في عضلات المهبل وترتخي عشان كذا تحتاجين ٦ أسابيع للتعافي والعودة للجماع بشكل سليم ورحم متعافي ، وخلال الـ ٦ أسابيع تحتاجين تمارين تقوية قاع الحوض والكيجل وكلها ماتحتاج جهد كبير ، تقوّي عضلات المنطقة تحميك من سلس البول وتشد المهبل من الداخل مو بس من عند منطقة العجّان ومن جوا دمار ! < هذي نتيجة الخياطة وتساعدك للشفاء من قص العجان في حال اضطرار الطبيب للشق بسبب : ١- ضعف نبض الجنين أو نقص الأوكسجين. ٢- حالات تعسّر الولادات الطبيعيه . ٣- الحاجه لاستخدام ملقط جراحي أو شفاط. .. آخر شيء وزارة الصحه منعت القص إلا في الحالات اللي ذكرتها وسوّت حمله لهذا الشيء أما غير الحالات السابقة تولد بدون قص ولو قصّوك بدون إذن منك ترفعين دعوى وتحصلين على التعويض .

العضوة: 82812 , 9 years ago

@user-72483 مررره احسك عجوز والله روحي دوري على اعشاب تضيق المنطقه عندك الله يعين زوجك بس😦 ويش يبي بواحده عقلها كذا وكلها خراب انا مسويه تجميل كمان من زمان ولا صار شي من قرقرتك الله لايوفقك بهالشهر الكريم تخوفين اللي توها جاهله عن هالامور ومشكلتك كذابه لو مو مجربه كان مت رعب

العضوة: 82812 , 9 years ago

@user-28097 صح عليك البعض هنا غصب رأيهم يمشوه كأنهم غنم الله ييسر

العضوة: 72483 , 9 years ago

@user-82812 الجاهل عدو نفسه 😊

العضوة: 82812 , 9 years ago

@user-74779 الله يحقق لك اللي في بالك يارب ويسهل علينا

العضوة: 82812 , 9 years ago

@user-72483 انصحك بحاجه اسمها عبائة السيده على ماضن زمان كانو جداتنا يمدحوها بس زوجك ماراح يشوف فرق يعجبه وشكله يخطط يتزوج بكر 😂😂 ي عدوة نفسك ماباقي الا تقولي الي سوت تجميل امريكا بتشن حرب

العضوة: 78452 , 9 years ago

اتقوا الله يا بنات في كلامكم انتم جرحتوا صيامكم وفي العشر الاواخر من رمضان عشر العتق من النيران كل وحده حره باختيارها لطريقة ولادتها انا عن نفسيم مثلا افضل الشق والعمليه التجميليه وهذا رايي يعني كل واحد ورايه مو لازم بالغصب افرض رايي احترموا الشي ذا الله يهديكم

العضوة: 42199 , 9 years ago

@user-74779 ها شوفي 🤗هذي وحده فالبرنامج هنا تنقعت بمويا وملح شوفي وش صار لها ياللي تنصحين مسويه فاهمه

العضوة: 73355 , 9 years ago

انا جربت الثنين والله بدون شق افضل بتسوي رياضه من اول اسبوع ولاده وتتحركين شق العجان متعبه وتألم شهرين. واذا ع الضيق اهتمي بنفسك واهم شي الرياضه وتمارين كيجل

العضوة: 60527 , 9 years ago

@user-74779 صدقتي ..استغرب من اللي تقول ماتبي شق!!!طيب البيبي راح يشقه لك بطريقه مشرشره القص ارتب . وشي ثاني شدخل العجان بتضييف المهبل!!ترى مو حوله التوسع داخل ..