بنات ساعدوني اني ولدت توأم بنات قبل 3 ايام وكنت اخر يوم في الشهر الثامن صارت عندي الم وكالو نسويلج ولاده وولدوني الحمدلله بخير بس حسينا وحده من البنات خاملة ويطلع وغف من فمها واطرافها زرقاء
بعد كم ساعه كالت الدكتورة نحولهه خدج افضل بعد ماحولوها خدج نظفو بطنهه طلع منها مي ودم مال ولاده ورجع لون بنتي طبيعي وراح الازرقاق من جسمها وعملولها تحاليل واشعه والحمدلله كلها نظيفه
بس بقت ماتعرف ترضع واحسها خاملة مومثل اختهه
طلعناهه من الخدج اليوم الحمدلله بس كلش خايفه عليها لان نشربهه حليب بالملعقة ماتعرف ترضع هل هذا شي طبيعي؟؟!والله بموت من الخوف
منو سامعه عن هيج حاله وكم من الوقت تبقى الى ان تتعلم
احس فرحتي ناقصه من كثر خوفي
ارجوكم مساعده
العضوة: 81127 , 8 years ago
اني ابني كذه جبتو اول يوم بالشهر التاسع ودخل الخدج 15 يوم ومن طلع مارضع من صدري مايعرف يمسك الحلمه لاكن كنت اشفط من صدري واعطيه بالرضاعه وحاولت معو كل يوم لين تعود وصار يرضع شوي شويالعضوة: 63005 , 8 years ago
رجعتهه للخدج لان وديتهه دكتور كال انه نبقيهه بالخدج ترتاح بعدها صغيرة كم يوم وتخرج ورجعتهه ويارب ترجعلي سالمه حتى اكدر اعوضها ياحبيبتي ربي ميشوف اي انسان شر في ضناهالعضوة: 72619 , 8 years ago
لازم اظلين تخاولي ابد لاتعوفيها حتى لو مترضع بس المهم خلي صدرج يم حلكها اني جان ابني ميقبل يرضع صدري خليته يجوع دائمآ واخلي صدري يم حلكه وهسه ماشاءالله يرضع من صدري