صحيت من النوم علي آذان الفجر قومت صليت وقرأت الورد اليومي بتاعي وبدأت أجهز شنطتي مش مصدقه اني خلاص هرجع بيتنا تاني واحشني قوي ووحشتني لمتنا سوا وصوت ماما وحضنها الدافي بتاع بالليل وشقاوه اختي وهزارنا سوا ،
وزعلانه اني خلاص هسيب اسكندريه آخر يوم ليا هنا مش قادره اتصور 4 سنين مروا بالسرعة دي علي فكره اسكندريه كمان هتوحشني قوي جميله بكل تفاصيلها بس للاسف بحكم دراستي مكنتش بقدر اخرج كتير علشان كده قررت اني اخرج انهارده اغير جو واودعها قبل ما اسافر جهزت كل حاجه ليا تقريباً ولقيت تليفوني بيرن .
صباح الخير يا ست الكل .
صباح النور يا حبيبتي.
انا كنت عايزه اكلمك من بدري بس خوفت تقلقي.
لا يا حبيبتي انا صاحيه من بدري اصلا صليت وبجهز شنطتي .
عامله ايه؟ وهتيجي امتي؟ انتي وحشاني قوي يا اشرقت .
هههههههه كل ده يا ماما امال لو مكنتش باجي كل اسبوع والاجازات كنتي هتعملي اي بس علي العموم خلاص هانت كلها ساعات وابقي قدامك بأمر الله .
ياااارب يااارب بقي انتي هتوصلي علي 6 صح .
العضوة: 378864 , 6 years ago
بتقولي ايه . -قولت ايه يعني ، مش أنت اللي عايز نقدم معاد الفرح. -أنا قولت كتب كتاب بس مجبتش سيره الفرح . -ايوه بس أحنا كنا متفقين علي آخر الشهر. -وهيفرق في ايه معاكي دلوقتي من آخر الشهر. -وأنا مش مستعده دلوقتي يا عمر ولا حتي آخر الشهر . -وأنا عمري ما هجبرك علي حاجه أنتِ مش عيزاها . -(عمر) انا -خلاص يا أشرقت أنا لازم امشي دلوقتي لو احتاجتي حاجه كلميني ، سلام. خرج (عمر) لقتني بعيط مش عارفه ليه حاسه اني مخنوقه قووي مكنش قصدي ازعله مني انا مش عارفه انا كلمتوا كده ازاي أصلاً ، وقتها الباب خبط مسحت دموعي بسرعه ولقيت (سلمي) داخله بتقولي : -(أشرقت) في ايه ؟ (وعمر) ماله خارج زعلان كده ليه ، أنا سامعه صوتكم من بره أنتوا اتخانقتوا ولا ايه؟ -مفيش حاجه.العضوة: 378864 , 6 years ago
مفيش حاجه. -ولما هو مفيش حاجه بتعيطي ليه. -كان عايز نقدم معاد كتب الكتاب . -طب حلو مش قولتلك أنه قال لماما ايه بقي يزعل في كده. -أنا رفضت. -نعم يا اختي ! -أنا مش مستعده دلوقتي. -يابنتي حرام عليكي ده أحنا ما بنصدق نفرح مش كفايه اللي حصل يوم عيد ميلادك والمفاجأة اللي باظت دي. -مفاجأة ايه؟ -يوم عيد ميلادك كنت محضره ليكي حفله تجنن كنت بجهز فيها أنا و (عمر) من شهر وللآسف خبر الحادثه ده جه بوظ كل الترتيبات. -يعني(عمر) كان مشترك معاكي فيها. -اه بس الفكره كانت فكرتي وهو ساعدني في التنفيذ . -طب اخرجي دلوقتي يا (سلمي) عايزه أنام. خرجت (سلمي) وفضلت أفكر في كلامها ليه (عمر) مقليش لما حكيت ليه اللي حصلي ازاي وهو و(سلمي) كانوا مجهزين للحفله ليه خبي عني وكمان اللي شوفته في الغيبوبة ده كان ايه انا مبقتش فاهمه حاجه خالص يارب ساعدني انا بجد تعبت نمت من كتر التفكير وعدي اسبوع ومفيش جديد و(عمر) كان بيجي كل يوم يطمن عليا بس مكناش بنتكلم في اللي حصل وفي مره من المرات كان بيتكلم معايا لقيتوا بيتكلم بصوت عالي : -أشرقت أشرقت. -ها في ايه يا (عمر) بتزعق كده ليه. -أنتِ اللي في ايه بقالي ساعه بكلمك وأنتِ ولا أنتِ هنا ودي مش أول مره يحصل فيها كده. -أنا معاك يا (عمر) في ايه حصل لكل ده. -لا مش معايا يا (أشرقت) ولا مع حد خالص أنتِ ايه اللي حصلك لا عايزه تخرجي ولا تكلمي حد وبفضل اكلمك بالساعات وأنتي مش معايا أصلاً وحتي الشغل اللي جالك رفضتيه والفرح وأجلتيه وقفتي حياتك كلها في ايه كل ده علشان كلام متخلف من واحده جاهله .العضوة: 378864 , 6 years ago
ده علشان كلام متخلف من واحده جاهله . -اه قول كده بقي انت كل اللي مزعلك اني اجلت الفرح مش كده. -أنتِ بجد مصدقه كلامك ده تفتكري انا هيفرق معايا أصلاً انا فضلت مستنيكي 4 سنين خطوبة ومن قبلهم 6 سنين هيفرق معايا كام شهر ولا حتي سنه تأجيل . -ولما هو كده ليه خبيت عني الحقيقه ليه مقولتيش انك كنت متفق مع (سلمي) علي الحفله ولما حكتلك اللي حصل معايا متكلمتش يعني اهو كلامها طلع صح بس كلامك ليا خلاني اتراجع عن تفكيري ده ولولا (سلمي) هي اللي قالتلي مكنتش انت حكيت تقدر تقولي بقي خبيت عني الحقيقه ليه. -علشان كلام فارغ لحاجه انا مش مؤمن بيها أصلاً ولا عمري هصدقها عايزاني اقولك اه فعلاً كلامها صح ونفضل نفكر سوا ايه اللي ممكن يحصلنا دلوقتي ولا نحبس نفسنا ونموت بالحي زي ما بتعملي في نفسك دلوقتي ؟ -أنت مكنتش معايا علشان تحكم عليا بكده انت مشوفتش كانت بتكلمني ازاي دي زي ما تكون بتهددني وكل اللي قالتوا انا شوفتوا لما كنت في الغيبوبه. -طبيعي انك هتشوفيه طول ما الفكره مسيطره عليكي بالشكل ده وخصوصاً انها كانت آخر شخص شوفتيه وسمعتي كلامها وبعدين هتهددك ليه بينك وبينها ايه علشان تهددك بلاش دي تقدري تقوليلي لما هي ناصحه قوي كده مقلتلكيش ليه انك بعد 5 دقايق بس هتعملي حادثه علي الاقل كانت تنبهك اشمعني دي مشفتهاش بس تعرفي هي عندها حق فعلاً لأنك دلوقتي وبكل آسف بتنفذي كل كلمه بتقولها هي أدتك السيف اللي تموتي علاقتنا بيه . خرج عمر بعد ما خلص كلامه قلبي كان وجعني قوي هو عنده حق في كل كلمه قالها انا وقفت حياتي انا اللي عملت كده في نفسي مشيت وراء كلامها من غير ما احس وللاسف نفذته من غير قصد معقول عمر هيبعد عني ههون عليه بجد مسكت التليفون وكنت عايزة اكلمه بس مقدرتش صوتي مخنوق فضلت اعيط كتير لحد اما نمت فات اسبوع قررت اغير كل حاجه نزلت الشغل وحاولت ارجع تاني زي ما كنت قبل الحادثه كنت عايزة اكلم (عمر) بس بعد اما اغير كل حاجه عيزاه يعرف اني اتغيرت فعلاً مش بس كلام وفي يوم لقيت (سلمي) جايه تصحيني وقالتلي: -أشرقت (عمر) بره عايز يشوفك .العضوة: 378864 , 6 years ago
أشرقت (عمر) بره عايز يشوفك . خرجت بسرعه وكنت عايزه اقولوا كلام كتير بس هو سبقني كالعاده وقالي : -وحشتيني. مكنتش مصدقه نفسي من الفرحه . -(عمر) انت وحشتني قوي وعايزة اقولك كلام كتير قوي انا غيرت كل حاجه كلامك فوقني من اللي كنت فيه عمر انا بدأت في الشغل . – عارف كل اخبارك وعلشان كده جيت -(سلمي) هي اللي قالتلك مش كده. -ايوه انا كنت بطمن عليكي كل يوم منها وكانت بتبلغني اخبارك اول بأول وكل حاجه كانت بتحصل . -بقي كده. -امال يعني مش عيزاني اطمن علي حبيبه قلبي😍 – انت لسه زعلان مني . -انا عمري ما اقدر ازعل منك انا كنت زعلان علشانك مكنتش قادر اشوفك بتدمري نفسك قدامي وافضل واقف سامحيني لو كنت قسيت عليكي انا كان قلبي بيتقطع وانا شايفك بتعيطي بس كان لازم اعمل كده علشان تفوقي والحمد لله البعد جه بفايده اهو 😂 -هو جه بفايده اه بس متعملش فيا كده تاني . -لا خلاص مش هتتكرر تاني . -(عمر) عايزه اقولك علي حاجه كده. -حاجه ايه ؟ – انا موافقه علي كتب الكتاب. سكت شويه وشكله اتغير وقالي : -(أشرقت) في حاجه مهمه انا خبيتها عليكي ولازم تعرفيها دلوقتي.العضوة: 378864 , 6 years ago
جزء٦ سكت شويه وشكله اتغير وقالي : -(أشرقت) في حاجه مهمه انا خبيتها عليكي ولازم تعرفيها دلوقتي، في حاجه حصلت وأنتِ مسافره وكنت مستني ترجعي علشان أقولك بس الاحداث اللي حصلت منعتني من الكلام . ضربات قلبي زادت وسألته وأنا مرعوبه . -في أيه يا (عمر) ؟ لقيته بصلي والدموع في عنيه وأتكلم بصوت مخنوق وقال : -رجعت ، رجعت وطالبه مني أسامحها وأنسي الماضي ، وضحك ضحكه سخريه وكمل الماضي اللي معرفش عنه حاجه لحد دلوقتي. غمض عنيه وسكت شويه ورجع بصلي تاني وكمل ، -أنا كنت خلاص نسيتها يا (أشرقت) بطلت أدور عليها وأسأل عنها ، تخيلي لما طلبت تشوفني كنت خايف ، خايف أكون بحلم ، انا حتي لما شوفتها معرفتهاش ، أتخلت عني في أكتر وقت كنت محتاج ليها فيه عيشتني يتيم الام وهي عايشه، 25سنه وانا بسأل نفسي كل يوم ايه الذنب اللي عملته علشان تعمل فيا كده حتي لو كان بابا هو السبب انا ذنبي ايه ، لما كنت بسأل عنها بابا مكنتش بلاقي رد أنا لحد دلوقتي فاكر آخر مره سألت بابا فيها بصلي بنظره عمري ما هنساها وقالي : -اللي بتسأل عنه ده ماضي والماضي لازم يموت . وقتها خوفت قوي كانت أول مره اخاف فيها كده ،تعرفي أوقات كتير كنت برسم ليها صور من خيالي ولما أكون زعلان أو مضايق كنت أفضل اكلم الرسمه بالساعات مكنش عندي صور ليها بابا قطعهم كلهم وحتي الصوره اللي لقيتها بتجمعنا كلنا كانت هي مقصوصه منها ، كنت برسمهم وأخبيهم من بابا كنت بخاف يزعل مع انه كان دايماً حنين عليا بس عند النقطه دي بالذات كان بيتحول 180 درجه،العضوة: 378864 , 6 years ago
حنين عليا بس عند النقطه دي بالذات كان بيتحول 180 درجه، وفضلت كده لحد اما بقي عندي 14 سنه وقتها بطلت أسأل عنها وبطلت ارسم صور ليها نسيتها اعتبرت انها ميته تقدري تقولي فقدت فيها الامل، وبعد سنه بابا باع البيت وجينا هنا بس لما شوفتك حسيت انك عوض ربنا ليا كنت شايف فيكي الأمان اللي اتحرمت منه وكنت خايف تسبيني زيها لاني مش هقدر اتحمل ده ويمكن ده السبب اللي خلاني اطلب منك اننا نقدم معاد كتب الكتاب عايزك تكوني جمبي انا والله بحبك قوي ، قال اخر جمله وهو ماسك أيدي والدموع بتنزل من عنيه ، أول مره اشوف (عمر) كده كلامه وجعني قوي لقتني بعيط معاه من غير ما احس صحيح انا اعرف عمر من 10 سنين بس ولا مره اتكلمنا في الموضوع ده بالذات مع انه مش بيخبي عني حاجه رديت عليه بصوت مبحوح من آثر العياط وقلتله : وأنا عمري ما هسيبك يا (عمر). مسح وشه وقام وقف وقالي : -أشرقت لو مش حابه نكتب الكتاب دلوقتي براحتك صدقيني انا مش هكون زعلان اهم حاجه عندي انك تكوني مرتاحه . -وتفتكر انا هكون مرتاحه وانت بعيد عني أنت الكام يوم اللي بعدتهم دول عدوا عليا كأنهم سنه . في الوقت ده دخلت (سلمي) وقالت : -الله أنت لسه هنا يا (عمر) .العضوة: 378864 , 6 years ago
الله أنت لسه هنا يا (عمر) . -ما شاء الله عليكي يا (سلمي) ظابطه مواعيدك بالملي . -مواعيد ايه مش فاهمه حاجه . -مش مهم يلا سلام . -هههههههههههههههههه . -ماله ده وأنتِ بتضحكي علي ايه أنتِ كمان . -(سلمي) انتي مش ملاحظه حاجه . -حاجه ايه ؟ -يووووه عاجبك كده عمر مشي من غير ما نتفق . -تتفقوا علي ايه . -مش وقته دلوقتي هقولك بعدين . سيبتها وطلعت اكلم عمر واتفقنا علي اخر الاسبوع وكان فاضل 3 أيام علي معاد كتب الكتاب وقبل كتب الكتاب بيوم (عمر) كلمني وكان بيطمني علي الترتيبات والحمد لله كل حاجه كانت تمام وجه يوم كتب الكتاب . كنت واقفه قدام المرايا سرحانه معرفش ليه افتكرتها تاني وصوتها رجع يتردد في ودني تاني حاولت اتجاهل إحساسي ده علشان محدش يلاحظ حاجه بعد اما خلصت لقيت الباب خبط وكان (عمر) : -بسم الله ما شاء الله . سكت شويه معرفتش اتكلم أصلاً مكنتش عارفه أقول أيه كنت باصه للأرض وقلبي بيدق جامد . -أشرقت ، أنتِ ضايع منك حاجه ادور معاكي طيب . -نعم. -مفيش اصل لقيتك باصه في الأرض قولت اشوف ايه اللي ضايع منك ندور عليه سوا . -عايز ايه يا (عمر). -يا سلام علي الرومانسية ايه ده . – وبعدين بقي. -بس خلاص هقول أصل عاملك مفاجأة. -مفاجأة ايه؟ -ماما بره وعايزة تشوفك . -بجد هي هنا دلوقتي؟ -آه هنا بس هتمشي علي طول قبل ما بابا يعرف ،بصراحه لما طلبت مني الطلب ده مقدرتش أقولها لاء ، دي مهما كانت أمي بردوا . -عارف يا (عمر) علي قد ما كنت زعلانه في الاول بس الحمد لله انك قدرت تسامح . -انا لحد دلوقتي مش عارف كان ايه الدافع هي مقالتش حاجه دلوقتي ولا بابا قال زمان بس الواقع اللي لازم أتقبله انها أمي مش هقدر احرمها من اللحظه دي . -كل مدي بتكبر في نظري اكتر يا عمر وبتثبت ليا اني اخترت صح ربنا يخليك ليا. -طب بمناسبه الحب ده بقي مفيش حاجه كده تصبيره . -أطلع بره يا عمر .العضوة: 378864 , 6 years ago
كل مدي بتكبر في نظري اكتر يا عمر وبتثبت ليا اني اخترت صح ربنا يخليك ليا. -طب بمناسبه الحب ده بقي مفيش حاجه كده تصبيره . -أطلع بره يا عمر . -طب علي فكره بقي والله كان قصدي تقوليلي بحبك انتي اللي ظلماني. -اه أنا ظالمه اطلع بره بقي . -لا متقلقيش انا كده كده طالع بره بس مستني الاشاره. -إشارة ايه بقي ؟ في الوقت ده دخلت (سلمي) : -الله عمر أنت هنا . -اهي الاشاره جت . -هههههههههههههههههه. -ينفع كده يا (سلمي) سيباني واقف مع اختك 10 دقايق بحالهم مش اسلوب ده أبداً. -خرج عمر وسلمي واقفه مش فاهمه حاجه وانا فضلت اضحك . -أشرقت حبيبتي أنتِ كويسه . -اه بس اخرجي دلوقتي بقي والده عمر بره وداخله دلوقتي . -بجد . -اه ويلا بقي يا سولي بس مدخليش علينا حد . -طب عايزة اشوفها طيب. -مش وقته بقي يلا. خرجت سلمي والباب خبط ولقيتها دخلت مكنتش مصدقه اللي انا شيفاه حاسه اني بحلم مقدرتش اتحرك من الصدمه ولقيتها قربت مني بنفس النظره ونبره الصوت وقالت : مش قولتلك فرحتك مش هتكمل .العضوة: 378864 , 6 years ago
يتبععععععع.......العضوة: 549458 , 6 years ago
كملي حبيبتيالعضوة: 656126 , 6 years ago
@user-378864 كملي معك احنا ❤️العضوة: 378864 , 6 years ago
خرجت سلمي والباب خبط ولقيتها دخلت مكنتش مصدقه اللي انا شيفاه حاسه اني بحلم مقدرتش اتحرك من الصدمه ولقيتها قربت مني بنفس النظره ونبره الصوت وقالت : -مش قولتلك فرحتك مش هتكمل. ضربات قلبي زادت عايزة اتكلم ومش عارفه صوتي مكنش بيطلع والدنيا لفت بيا جامد لدرجه كنت حاسه اني هيغمي عليا حاولت علي ما اقدر اني ابان هاديه مع ان ده عكس اللي جوايا، وبعد محاولات كتير قدرت اتكلم بس صوتي كان مهزوز. -أنتِ ، ازاي مش ممكن ،مستحيل. -مفاجأة مش كده ولا صدمه قالت كلمتها الاخيره مع نظرتها المرعبه. سكت متكلمتش مش قادره اتكلم ولا حتي عارفه اقول ايه، ولما سكوتي طال لقيتها اتكلمت وقالت : -عارفه أنك مستغربه ازاي ده حصل بس انا هقولك ، مش علشان اريحك لكن علي الاقل مينفعش تموتي وانتي مش فاهمه حاجه . رديت عليها بصوت مهزوز من آثر الصدمه.العضوة: 378864 , 6 years ago
-أموت. -امال فكراني هسيبك تتهني بيه لازم أحرق قلبه عليكي، لازم اخليه يدوق المر ، يتحسر علي حب عمره، ويتمني الموت ، يموت بوجع قلبه عليكي . رديت عليها وانا بصرخ : -ليه ، ليه حرام عليكي كل ده علشان ايه ، أحنا عملنا فيكي ايه علشان تعملي فينا كده. ردت عليا بصوت شبه فحيح الافاعي بنظره كرهه وغضب عمري ما هنساها وقالت : -دي ضريبه ولازم ادفعكم تمنها ، انا مستنيه اليوم ده من زمان ، من زمان قوي ، وصبرت كتير قوي علشان اوصل لليوم ده ، أستنيت علشان أخد حقي وانتقم منكم واحد واحد ، صحيح أنتِ ملكيش ذنب في اللي حصل بس أنتِ أكتر حد هيوجعه ، من يوم ما قررت أظهر في حياته تاني وهو ملوش سيره غيرك كل كلامه كان عنك أنتِ وبس وكأن الدنيا كلها واقفه علي وجودك في حياته ، هو اللي قالي علي عيد ميلادك والمفاجأة اللي جهزوها ليكي ، كل حاجه عرفتها عنك كانت منه هو ،عرفت انك نقطه ضعفه، وعلشان هو غبي اداني فرصتي علي طبق من دهب ، وكانت دي البدايه ، ويوم لما قابلتك في اسكندريه كان هو اللي قايلي علي معاد رجوعك ومن هنا بدأت خطتي قررت ان اليوم ده تكون بدايه انتقامي وطبعاً اللي ساعدني علي كده انك متعرفنيش ولا شفتيني قبل كده ودي برده عرفتها منه ، ولما شوفت نظره الخوف في عنيكي واتأكدت أنك صدقتيني قدرت وقتها ادق اول مسمار في علاقتكم ، ولما الحظ حالفني لما العربيه خبطتك ودخلتي في غيبوبه حاولت أخلص منك وقتها أكتر من مره لكن للأسف معرفتش كان ملازمك زي ظلك كان الحارس الحامي للأميره مكنش بيبعد عنك لحظه لحد اما فوقتي ، ولما حصل بينكم المشاكل وجه يحكيلي كنت في قمه سعادتي وعرفت اني قدرت أحقق أول وأهم جزء لكن لتاني مره أفشل وسعادتي مكملتش لما جه وقالي أنكم رجعتم تاني مكنش قدامي غير اني أطلب منه أني اشوفك وأظهر حقيقتي قدامك وبعدها أخلص منك ، كده كده انتي مش هتسببي ليا أي ضرر لأنك مش هتلحقي تتكلمي أصلاً . قالت آخر جمله وهي بتطلع مسدس من شنطتها .العضوة: 378864 , 6 years ago
قالت آخر جمله وهي بتطلع مسدس من شنطتها . وفجأة شوفت (عمر) جاي من وراها وأتكلم بصوت أشبه بالصراخ : -أنتِ أزاي كده ، أزاي جالك قلب تعملي كل ده ، لا أنتِ اللي زيك معندوش قلب أصلاً ، أنا لو كنت سمعت الكلام ده من حد تاني مكنتش صدقته ، ازاي هونت عليكي تأذيني في أكتر حاجه حبيتها بالشكل ده مكفكيش اللي عملتيه زمان جايه تكملي عليه دلوقتي ، ده انا كنت بموت في اليوم ألف مره ،مصعبتش عليكي ده انا كنت باجي احكيلك علشان اطمن كنت بتحامي فيكي ، افتكرت انك جايه تعوضيني عن الماضي زي ما قولتي ، تقومي تاخدي من كلامي السكينه اللي تدبحيني بيها ، مكفكيش اللي عيشته بسببك زمان لما اتخليتي عني ، ودلوقتي جايه علشان تدمريني ، عملت فيكي ايه علشان تعملي فيا كده ، أنتِ مستحيل تكوني أم ، مستحيل تكوني بني آدمه أصلاً وفي وسط كل ده سمعت صوت عالي جداً صوت أشبه بالصراخ بيقول : سالم : دي مش أمك ، ولا عمرها هتكون أمك أحلام بخضه :سالم . سالم : ايوه سالم يا حقيره ايه اللي رجعك تاني مش كفايه اللي عملتيه زمان يا مجرمه . أحلام : اللي عملته ده ميجيش حاجه في اللي لسه هعمله انا قولتلهالك زمان وهقولهالك دلوقتي حقي انا مش هسيبه وهدفعكوا التمن كلكم . سالم : واضح اني غلطت زمان لما سيبتك تعيشي بعد عملتك السوده ودلوقتي جايه بكل جبروت تأذيني في ابني . عمر : بابا انت بتقول ايه انا مش فاهم حاجه . سالم : اللي سمعته دي مش أمك ولا عمرها هتكون كمل كلامه وهو باصص ليها غلطه عمري اني اتجوزتك كنت فاكر انك هتحافظي علي ابني وبيتي بس للأسف دخلت في بيتي حيه مبتعرفش تحب حد ولا حتي نفسها ، بص لعمر تاني وقال ، أمك الله يرحمها ماتت بعد ولادتك ب 3 ايام جلها نزيف وهي بتولدك نتج عنه غيبوبه فضلت فيها يومين وماتت في 3 يوم وقتها احلام خدتك وانت كنت متعلق بيها جامد وطبعاً لانك صغير مكنتش هقدر ارعاك الرعايه اللي انت محتاج ليها وقتها قربت منها بحكم انك معاهاالعضوة: 378864 , 6 years ago
وبعد شهر لما لقيتك متعلق بيها جامد عرضت عليها الجواز واتجوزنا فعلاً بعدها بسنه بدأت اشك في تصرفاتها معاك راقبتها لحد ما في يوم دخلت عليها لقيتها بتحاول تخنقك ضربتها وكنت هموتها بس ايدي وقفت علي آخر لحظه مقدرتش اعمل زيها معرفش كان جايلها قلب أزاي تعمل كده في طفل صغير لا حول له ولا قوه مكنتش مصدق ان ممكن غلها وحقدها يوصل بيها للدرجه دي لكن كل اللي قدرت اعمله وقتها اني اطلقها وابعدها عن حياتي نهائي وقطعت كل ذكري ليها معانا علشان ابعدها عنك ، كنت فاكر اني كده بحميك بس مكنتش اعرف ان الحيه كبرت وهترجع تاني . احلام : أخرس أنا احسن منك ومن الحيه مراتك . سالم : الحيه اللي بتتكلمي عليها دي تبقي أختك، أختك اللي عمرك ما هتكوني زيها ولا حتي ربعها . أحلام بصوت جهوري: متقولش أختي دي عمرها ما كانت أخت ليا ولا هتكون دي ابعد ما يكون عن الاخوه انا بكرهها وهفضل اكرهها كل حاجه كانت ليها وعلشانها بابا مكنش شايف غيرها مع اني الاصغر والأجمل بس مكنش في عنده غيرها كتب ليها كل املاكه و كانت هي الكل في الكل كانت بتعاملني اسوء معامله ولما كبرنا خدت مني حب عمري كانت عارفه اني بحبك واتجوزتك بس علشان تكسر قلبي . سالم : أنتِ بتقولي ايه يا مجنونه . أحلام بإصرار : ايوه كنت بحبك وهي مكفهاش كل اللي عملته فيا جت وخدتك مني ، مش حبا فيك قد ما كان علشان تكسر قلبي . سالم : اختك عمرها ما كرهتك ولا عمرها كانت بالبشاعه دي أنتِ اللي عيشتي عمرك كله بتكرهيها ودايما شايفه انها الافضل أنتِ كرهتيها علشان مقدرتيش تكوني زيها . أحلام بصراخ : مش عايزة أكون زيها . سالم بصوت عالي : وأنتِ عمرك ما هتكوني زيها أصلاً أحلام : قبل ما تدافع عن حبيبه القلب اوي كده اعرف حقيقتها الاول دي واحده خاينه وابنك اللي أنت فرحان بيه ده مش ابنك . سالم :اخرسي ياحقيره .