اجيتكم ي بنات لاحكيلكم ايش صار معي امبارح الصبح دخلت الحمام ونشفت بالكلينكس وشفت في دم رحت ع الدكتوره فحصتني داخلي لقت معاي توسع 2 وفي دم جوا المهبل ف حكتلي خلص ولاده واعطتني دخول لليوم المهم طبعا انا كنت متوقعه من الصبح للمسا رح يزيد الوجع اكيد بس ما زاد بالمره كان ألم خفييييف بظهري بس واحيانا يروح جهزت كل اغراضي وضليت صاحيه للفجر تحممت بمي حاميه وخليتها ع ظهري ونمت وطبعا ما كنت متأمله اني رح اولد لانو ما في وجع ولا اشي بس فتت المستشفى فحصوني وانو التوسع صاير 4 ما شاء الله طبعا انا انصددمممت كيف هيك ليش مش حاسه انا اعطوني حقنه شرجيه ودخلت الحمام بعدين ركبولي جهاز نبض الجنين ومن الفحص الداخلي نزلت ميه الراس طبعا من هون بلش الوجع الحقيقي ما بدي اخوفكم حبيباتي بس انا يمكن جسمي ما بتحمل ، الوجع كان لا يطاااق متت صرت اصرخ غصبن عني واترجاهم يحولوني عمليه خلص وما حدا معبرني ييجو يحطولي ابر ويروحو اخر اشي صرت زي الي فاقده الوعي اصحى عللوجع وارجع اغيب وناسيه كلللل اشي صار بعدها بتتذكر الدكتوره اجت فحصتني اخر مره وصارت تنادي بسرعه بسرعه ع غرفة الولاده وانا اصررررخ لدرجة حلقي تجرح بعديها بتذكر وهيه تحكيلي شدي وانا اصرخ والممرضه تضغط بطني وانا اضربها وحسيت بالراس لما طلع بعدها خلااااص ولااااا اشي متذكره ع طول غمضت ونمت ما سمعا صوتها لما بكت ولا حطوها ع صدري صحيت بعدين كاني بغيبوبه دايخه ومش عارفه اشيل حالي اخذوني عالكرسي وورجوني بنتي حبيبتي وودوني عالغرفه وهيني لساتني بالمستشفى بكرا بطلع ان شاء الله اقسم بالله انو الي صار زي الحلم لحد الان مش مستوعبه ياربي لك الحمد ♡