اسفه طولت عليكم. 27/4 ولدت ابني ناصر . اخدت كل شهري واخدت 3 ايام كمان كان عندي الرحم فاتح 5 ورجعوني علبيت علاساس اولد بعد يومين . رحت 26/4 الساعه 6 ونص انا وزوجي دخلوني على غرفه كبيره للولاده اخدو فحوصات وشافو نبض الجنين انا بصراحه كنت مرعوبه لاني بروح دايما معي طلق وما بعرف شو راح يعملولي . اسودت الدنيا بعيوني لان ولادتي اول مره بتكون بليل. المهم غيرت ملابسي واعطوني ملابس من عندهم وفحصوني داخلي. جابو شي بطولي المي تبعت الجنين بعد 5 دقايق اجاني بدايه طلق وكان كتير حامي والجهاز تخطيط الجنين موجود لسه على بطني وقالولي نبض الجنين سريع ودخلو شي من الرحم لراس الجنين عشان يشوفو نبضو وتحركاتو وهو جوه بطني . اعطوني مخدر اتنفس في كل ما تيجي طلقه اتنفس في وضليت هيك ساعه بعدين قعدت على البلون كبير عشان يفتح الرحم اكتر لمده ساعتين واجاني الطلق الحامي وصراخ وزوجي كان معي اصرخ واشد على ايديه وكل الوجع من الضهر اصرخ واحط الكمامه واخد نفس واصرخ تخلص الطلقه ما الحق اتنفس تيجي التانيه ضليت شي 5 ساعات على هلحاله وقلت خلاص بموت اعطوني ابرة للضهر اجت دكتوره تبعت العمليات واعطتني اياها والابره ما حسيتها هونت علي لان الطلق كان حامي اكتر من المتوقع بس سرعتلي الولاده وحكولي خلص الولد نبضو قل ولازم تطلعي على سرير الولاده وتحاولي تضغطي وتولدي مره مرتين تلاته علفاضي ويزيد الطلق اكتر من اول ما بعرف شو صار ما قدرت ادفش بدال ما ادفش لبره اصرخ من الطلق وشافو حالتي وحالة الجنين بتدهور لازم يطلع لانو نزل تحت كتير وخلال ثواني لازم يطلع او ينخنق صار معي انهيار برضو ما عرفت ادفش ضهري انشل من الوجع اجت الدكتوره ساعدتني وطلعتو بايدها وكان مؤلم كتير وطلع ابني وصرت اصرخ قلي زوجي اطلعي هي الولد مشالله شوفي وانا ما قدرت احكي صار معي غيبوبه لدقايق وصرت ابكي اني خلصت واني لسه عايشه ولدت على الساعه 1 30 . زوجي كان معي بلولاده من اولها لاخرها وقص الحبل السري . الحمدالله على كل شي. المهم ولدت وخلصت وابني بخير ورجعت لبناتي وعقبالكم والله يهون عليكم وتولدو بسلامه.