العضوة: 45426 , 9 years ago

قمت رتبت المطبخ عشان اصحصح نفسي وارتب وانا ماني متخيلة ابدا اني حولد وجالسة اقول لسا باقي ما بعد بعدين فطرت وجهزت شنطتي واغراضي انا وبناتي عشان اوديهم عند امي وصحيتهم ورتبتهم وفطرتهم >>> رايقة الاخت 😅 هاذا الكلام كلو الين الساعه 11 وقتها صدقت انو الطلوق اللي فيا ولادة ولازم الحق عل نفسي 😂 كنت وقت الالم اتنفس بطريقة شمي وردة وطفي شمعه

العضوة: 68376 , 9 years ago

الحمدلله على سلامتك ومبروك ماجاك حلو وبعدين .....🙂

العضوة: 49422 , 9 years ago

معععاك ككملي🙇🏻‍♀️

العضوة: 49197 , 9 years ago

@user-45426 الحمدالله ع سلامتك متى اخر دوره الك

العضوة: 45426 , 9 years ago

خلصت أموري والحمد لله وبديت في امور الولادة عبيت البانيو ( المغطس ) موية دافية وروحت سويت ليا حبة سودا وعسل حطيت عليهم موية حارة وشربتها بعدين دخلت في البانيو تقريبا ربع ساعة لمن شوفت الموية بدأت تبرد طلعت بعدها جبت زيت زيتون وحطيت معاه حبة سوداء مطحونة ودفيتهم عالنار بعدين دهنت جسمي فيهم بطني وظهري وفخذي ورجولي لبست سروال طويل وشراب ولبس للمستشفى ودقيت عل السيارة اللي حتوديني

العضوة: 45426 , 9 years ago

الحمد لله اللي رزقني الصبر واعطاني التماسك والبرود هاذا اللي جاني سبحان الله ماني مستوعبة انو سويت كدا رحمة ربي الحمد لله

العضوة: 45426 , 9 years ago

@user-49197 28/10 هجري

العضوة: 49197 , 9 years ago

@user-45426 بالميلادي كم مااعرف بالهجري

العضوة: 8021 , 9 years ago

سبحان الهادي، مبارك اختي

العضوة: 45426 , 9 years ago

@user-49197 2/8 حتى انا ما اعرف بالميلادي 😅 بس حولتو لكي ببرنامج

العضوة: 45426 , 9 years ago

لمن وصلت عالمستشفى دخلت عالمشف وجات الدكتورة كشفت لقت الرحم مفتوح أربعة سانتي وضغطت عل بطني تبغا تشوف ليونتها وكانت لينة مرة الحمد لله قالت خلاص انتي تطلعي ولادة جابو كرسي وطلعوني فوق الكشك طلعت وجلست عالسرير تقريبا ربع ساعة ((نصيحة بنات وقت الطلق والاآلم يا تمشي يا توقفي يا تجلسي ابدا لا تنسدحي قد ما تقدري عشان الجاذبية الارضية تسحب الطفل وتساعدك هاذا كلام رولا قطامي نزلتو لكم في موضوع سابق )) بعدين جات القابلة قالتلي خلاص انسدحي عشان اركب لكي جهاز الطلق والتخطيط مرت نص ساعة وقاست لي الرحم لقته 6 سانتي

العضوة: 71999 , 9 years ago

@user-45426 حمد لله عالسلامة حبيبتي، سؤال : احنا على كيفنا فينا نروح نطلب تحريض بما أنو بيسرع الولادة؟؟ وشو بتنصحينا لما تيجي آلام الطلق؟؟

العضوة: 45426 , 9 years ago

كنت وقت الالم اذكر الله واقول يا ذا الجلال والاكرام واصلي عل الرسول صلى الله عليه وسلم لمن يروح الالم اقرأ قران وسبحان الله لقيت بين الايات شي يسليني ويخفف عني الامي لقيت الآيات كانها تخاطبني انا في سورة ق والحاقة والمعارج ونوح صدفة قراتهم ولقيت فيهم ايات عن رحمة الله وعن كشف الضر وفك الكروب

العضوة: 45426 , 9 years ago

جات الساعة 2 ونص الظهر بدأت الامي تزيد وتقوا سالتني القابلة اذا ابغا كمام او لا قلتلها طييب وجابتو سارت لمن تشوفني اتالم تقولي خذي الكمام اتنفسي بقوة بعدها جات الدكتورة كشفت عليا وفتحت موية الجنين بعد ما فتحت الموية زادت الالم وسارت قريبة من بعض بعدها جاتني صرخة غصب عني كشفت عليا القابلة قالتلي 7 سانتي بس ما شاء الله الراس قريب بعدها بفترة جاتني صرخة ثانية علطول كشفت عليا بس قالتلي غريبة لسا 7 بس الرااس رقييب مرة ما شاء الله اذا حسيتي بدفع قوليلي

العضوة: 45426 , 9 years ago

جات الساعة 2 ونص الظهر بدأت الامي تزيد وتقوا سالتني القابلة اذا ابغا كمام او لا قلتلها طييب وجابتو سارت لمن تشوفني اتالم تقولي خذي الكمام اتنفسي بقوة بعدها جات الدكتورة كشفت عليا وفتحت موية الجنين بعد ما فتحت الموية زادت الالم وسارت قريبة من بعض بعدها جاتني صرخة غصب عني كشفت عليا القابلة قالتلي 7 سانتي بس ما شاء الله الراس قريب بعدها بفترة جاتني صرخة ثانية علطول كشفت عليا بس قالتلي غريبة لسا 7 بس الرااس قرييب مرة ما شاء الله اذا حسيتي بدفع قوليلي