صباح الخير اخباركم الحمدلله ولدت يوم الثلاثاء الماضي وانا في الاسبوع ٣٧وأنا بكريه جبت ولد مثل القمر طبعا بقولكم قصة ولادتي بالضبط😊حسيت بفجر الاثنين الساعه ٣ الفجر باوجاع قويه بظهري وماغص أشد من ماغص الدوره وجلست اتحمل الاوجاع الى حد الساعه ١٠الصباح اضطريت أروح للمستشفى رحت وعملولي فحوصات قالو معك طلق بس الرحم مسكر جلست ساعه وطلعت على مسؤوليتي ورحت للبيت قلت ارتاح شوي طبعا من ٤العصر معي شوي دم وافرازات بيضاء شفافه صبرت الى المغرب وزادت الاوجاع وزاد الدم والافرازات رحت للمستشفى على الساعه٧.٤٥مساء اول ماوصلت عملولي فحص لقو الرحم فاتح ٢سم ورفضو يطلعوني على طول دخلوني تنويم لان الطلق زايد معي واجلس الى بكره وكل مره الاوجاع تزيد والتوسع بسيط من بكره الصبح على ٩ وصل التوسع ٦وشوي والالم قويه ماقدر اتحمله أعطوني الجلسرين ونقلوني لغرفة الولاده والوجع يزيد اتحملت الى ٢الظهر اضطرو يطلبو اخصائي لان الولاده تعسرت جاء الدكتور وسوى توسيع بالرحم وطلب مني اساعده بالدفع وانا خلاص مافيني اي طاقه ادفع لاني هلوست صرت اصارخ اصيح اسولف دفعت الدفعه الاولى خفيفه وريحت ودفعت الدفعه الثانيه بقوه وشفت راس ابني يطلع 😭احس رجعت لعقلي ويسحبه الدكتور وانا اشوفهم بيشفطو من خشمه وبيقصو الحبل السري وانا انسى كل الدنيا بمجرد ماشفته اخذت جوالي واتصلت على زوجي لانه كان معي على تواصل بالجوال وفرح جلسو يخيطو فيني ويضبطوني وانا اسمع صوت طفلي يصيح ابي يخلصون بسرعه علشان اجي واضمه ابوه جاء ودخل غرفتي تبع التنويم لان خلاص جت الزياره الساعه ٤ اخذو الطفل له بعد ماغيروله وانا عرفت على طول طلبت اروح له مابي اجلس بكشك الولاده رحت لتنويم واشوف زوجي عند ولدي حسيت بقرف اقوم لولدي وملابسي ملطخه دم رحت ابدل واغسل على السريع واطلع لهم الا اطلع لاجمل حياه زوجي وابني جنب بعض على طول اخذ زوجي لقطة سلفي للعايله يحتفظ فيها ورحت ارتاح حتى يرضع صدري ولدي قبل ياخذونه من عندي الى يومكم هذا اتذكر شدة الالم والوجع والموت الي شفته بس لاتذكرت لحظه خروجه اتمنى هذا الشريط يبقى مانتهى وسلامتكم جميعا وعقبال الجميع يارب😍🌷❤