انا من حوامل 26 /7 /2016 ولدت يوم 7/5/2017 ده تالت حمل ليا بعد ما تميت التاسع ب3 ايام ولدت لما طولت المده ومافي ولاده طلعت مشيت ساعه ونص ورجعت اخدت دش سخن وسخنت زيت زتون مخلوط بزيت حبه البركه ودهنت ظهري وبطني ووقفت تحت الماء الدافي وطلعت نمت كان في الم شغال لكن في الصباح كل الألم راح وطلعت بليل مشيت حوالي ساعه ونص كمان ورجعت مرهقه من المشي ونفسيتي كانت وحشه حسيت اني بعمل مجهود على الفاضي واخدت دش سريع وعلي الفجر بدأ ماء الجنين ينزل وانتظرت وجع الطلق بس مفيش ونمت ورحت للدكتوره على الظهر قالت فتح سنتي واحد ومفيش اي ولادة ونصحتني اخد ربع قرص طلق صناعي من الفم انا سامعه عنه وعارفه انه طلق خفيف جدا لا يذكر وغالبا ربع قرص دي ولا ليها اي تأثير قالتلي الدكتوره ارجعي البيت واتغدي كويس وبعدين خدي الربع حبه وهيكون قدامك وقت طويل لحد الولادة ونفذت كلامها وسبحان الله مجرد ما اخدت الحبه اشتغل الطلق خفيف كل 3 دقايق ومع كل كام طلقه يزيد الوجع في اقل من ساعه كنت خلاص بولد سبحان الله الربع حبه سرعت ولادتي جدا مع انها مفعولها لايذكر عند كل الي جربوها بس هيه خفيفه ماحسيت اني اخدت طلق صناعي والحمد لله ربي رزقني ساعه سهله والدكتوره حطتلي مخدر بسيط وقت نزول الراس واول ما انولد ابني نيمتني وعملتلي التنضيف وخياطه تجميليه ودعيتلكم كلكم ربنا يهون عليكم ويقومكم بالسلامه