حمدالله دائماً وابداً طبعاً انا كنت معديه موعدي ب اسبوع ومافي بوادر ولاده غير انو بدا معايا مغص واسهال الله يكرمكم من تأثير القرفه 😂 رحت الطواريء يوم الاحد الفجر وفحصتني الدكتوره وقالت برضو مقفل لازم طلق صناعي الاستشاري قال كدا واختي ماكانت موافقه لانها جربت الطلب الصناعي ٤ ايام واخرتها عمليه طبعا قالتلها الدكتوره على مسؤوليتك! انا قولتلها لا خلاص تعبت وابغا اولد وطلعوني الغرف حقت التوليد وحكايه القرفه سوت ازمه لانهم فكرو شربت خروع😂 المهم ادوني تحميله للتنظيف وبعدين تحميله الطلق وانا كل مايجو يفحصوني اتجنن بدا الطلق الظهر واشتغل جامد وانا خلاص تعبت ويجو يفصحو بعد كم ساعه يادوب ١ ونص سانتي بس والدكتوره تفحصني وانا شويه كنت حرفسها 😂😭 من جهة طلق ومن جهة الفحص المهم قررو يدوني ابره الظهر ومنجد رحمه صارو يجو يفحصو ويروحو وانا ولا شي 😂 بس للاسف الين الفجر مافتح غير ٤ سانتي بس والاستشاري من ٢ الليل تقريبا شاف نبضات البيبي تقل بس قالي بعطيكي فرصه الين الفجر قال عمليه 😔 جهزوني فورا للعمليه تقريبا اخدت ساعه ونص مع الافاقه او ساعتين وافتكر لما جابو بنتي حبيبه قلبي عندي كان زي الحلم لاني كنت مخدره وهما بينادو عليا مدام مدام حمدالله شفت بنتي بخير ربي يحفظها بس الولاده تعب كانت طبيعي او عمليه الله يكتبلنا الاجر انا فتره حملي ماتعبت كثير بس ف الولاده وبعدها شفت الموت حمدالله على كل حال واصعب مرحله المشي بعد العمليه الم فضيع 😭 عقبال الي يستنو الولاده وان شاءالله تكون سهله وميسره 🙏🏻