كيفكم كرووشااات وعدتكم اكتبلكم قصة ولادتي وآاااسفه ع التأخير 🙆🙆 طبعا أنا صار عندي ضغط من بداية الشهر التاسع وحتى يمكن قبل بس ما اكتشفتو الا بموعدي عند الدكتوره .. المهم كتبتلي دوا ضغط حبتين باليوم وصرت اتابعو وهيك ضليت مسيطره عليه وعدى اسبوعين من الشهر التاسع طبعا كل اسبوع اراجع دكتورتي ... بعدها صار أعلى ومع الدوا زادت الجرعه لتلات حبات باليوم ومع هيك مانزل 😭😭😭 حكت اذا ضل مرتفع رح نولدك فحصتني داخلي ومافي توسع الا ٢سم .. تاني يوم ارتفع كتير رنيت عليها بالليل حكتلي لازم تجيني ع العياده افحصك مره تانيه واذا مافي توسع رح ادخلك اولدي ... رحت الصبح وانا خاااايفه ومتوتره ..طبعا الضغط أعلى من الخوف والتوسع بس ٢سم كتبتلي دخووووول مباشره .. البيبي كان مش نازل بالحوض والضغط عالي ومافي طلق ولاتوسع ..حالتي كانت حاله والخوف مسيطر علي 😱😱 وكلت امري لله ورحت المستشفى طبعا دخلت غرفة المخاض وانا شايفه الي قبلي بيعانو من الطلق الخوف والتوتر زاااد ...ضليت ادعي واستغفر ركبولي مغذي وجهزوني للولاده .حطو التخطيط على بطني وتمددت ع التخت ..معي كتيب أدعية الولاده وطول الوقت وانا اقرأ على بطني 😢😢 حطت الممرضه الي الطلق الصناعي وسألتها بيطول عشان يعمل مفعول حكتلي مطوله .. والله يا بنات ما أحس بعدها بعشر دقائق الا واشي ساخن ينزل مني خفت وصرت انادي عليها شو هادا شافت وقالتلي لاتخافي هاي مية البيبي بتنزل عادي .. صار عندي وجع فجأه صرت اصرخ واحكيلها رني ع دكتورتي ..فحصتني قالت بس ٤ سم ..انا طبعا خايفه ع البيبي لان نزلت المي وبطني صغر .. بعد شوي اجت دكتورتي فحصتني قالت ماشاء الله ١٠سم يلا ولاده .. دخلت الغرفة ع ٢ والساعه ٢ ونص كنت والده ياربي لك الحمد ..🙌🙌 💜💜💜الي بدي احكيلكم ياه بعد الكلام الكتير... الخوف مفروغ منو لكن وكلي امرك لله وادعي واكثري من الصلاه على رسول الله وانتي بتولدي واستعيني بالله هو وحده الي بيساعدك ..يااااارب يسهل ولادتكم وتقر عيونكم بشوفة اولادكم بألف خير وصحة 💜💜💜