قمت الساعه ثلاث فالليل على الم مغص و انتقباضات اللي هيه الالام الطلق بس مسكت نفسي لين الساعه 5 الفجر 😁 و الالم عندي يروح و يرجع و افرازات بنيه تنزل 😣 المهم بعدها قلت لزوجي انه لازم نروح المستشفى وهو قالي لا صبري شوي عشان ما نستعجل عالفاضي 😒 وانا الالم اللي فيني مب قوي قوي بس خفت لانه الفتره اللي بين الطقله. ثانيه بدت تقل وصلت 15 دقيقه المهم قلت خلاص بصبر شوي عشان ما يتعبوني فالمستشفى اذا رحتلهم من وقت بعدها الوقت صار عشر دقايق بين الطلقه و الثانيه هني قلت لا خلاص لازم اروح و قلتله وتلبسنا و طلعنا و خذت امي معاي 😄👉🏼 اهم نقطه هذي تشلين شخص مجرب الولاده من قبل و رحنا المستشفى للاسف طلع مفتوح عندي بس ثلاثه سانتي 😔 حطوني ف غرفه و قالو امشي و كل شوي يقيسون الطلق و نبض البيبي و انا طول الوقت امشي و اكل تمر و الحبه الحمرا مع حليب و مشيت على المستشفى كلها 😂 ما خليت زاويه فيها وانا من الساعه سبع الصبح لين الساعه 11 فليل الطلق كان بارد و الفتره بينهم ثمان دقايق بعدها ع الساعه 12 طلعت انا وزوجي نمشي حول المستشفى من برع و انا امشي و الطلق زاد عندي و هو يقولي امشي زياده و بسرعه وخطوات متباعده ☹️ والالم زاد و الفتره قلت بين الطلقه والثانيه بعد عشر دورات عالمستشفى رجعنا الغرفه و قاسو الطلق كل بين ست دقايق اتالم لين الساعه اربع الفجر رحت الحمام عزكم الله وجاني اسهال فضى اللي ف بطني كله 😷ًبعدها اول ما جلست عالسرير نزل ماي البيبي و قربت اللحظه اللي انتظرعا 😂 قلت ل امي و بسرعه جو الممرضات و الدكتوره قاست الرحم لقته فاتح ثمانيه سانتي الحمدلله وقالت ولاده و شلوني بالكرسي ع غرفة الولاده بدلت ملابسي ل ملابس المستشفى و بدى الالم الصدق حطوني ع سرير الولاده و النيرس تجهز الادوات وانا اتابم وامي تمسح ع راسي و تدعي 😢 ربي يحفظها و فجاه اقول للنيرس خلاص ابا الحمام 💩 قالتلي اوك يلا هذا البيبي لازم تدفعين و بدينا خذي نفس و ادفعي وانا اخذ نفس من الاكسجين و احبسه وادفع على تحت و الدكتوره توسع باصابعها و قالت يلا اشوف الشعر وانا ف هاللحظه حسيت خلاص المنطقه اللي تخت ما احس فيها من الالموالدكتوره تشجعني و الشي الوحيد اللي سهل ولاده كنت اذا جاني الالم تقرى سورة الزلزله و الحمدلله طلع البيبي بشق عجان بس جرح بسير من تحت جرحني وهو يطلع والحمدلله رب العالمين من شفته راح الالم كله و سولي خياطه تجميليه و الحمدلله احين صارلي اربع ايام و الحمدلله رب العالمين كانت ولادتي سهله و سريعه بس الطلق بارد هو اللي تعبني نصيحه بنات عليكم بسورة الزلزله و المشي 💗💗 وربي يسهل عليكم مثل ما سهل علي انا اكتب و البيبي نايم عدالي الحمدلله علىالنعمه و الله يرزق كل وحده يارب 💗💗