#اللهاياات 8 اشياء لازم تعرفوها 1) في منهم نوعين ، مطاط و سيلكون . المطاط طريّة اكثر من السيلكون و اسهل للبيبي انه يستخدمها .. بس السيلكون بتدوم عندك اطول ، و اسهل انك تحافظ عليها بعيدا عن الجراثيم 2) الافضل تستخدم اللهايات اللي بتكون قطعة وحدة مش قطعتين .. بتكون آمنة اكثر 👍 3)الافضل تستهدم اللهايات المفلطحة من الامام 4)متى نبلش نستخدمها ؟ بس الطفل يكون تمكن من الرضاعة بشكل ممتاز ، و يكون بلش يكسب وزن ، يعني الافضل بعد عمر الشهر 👩‍👦 5)متى نوقف نستخدمها ؟ بين الست شهور و سنة . 6)شو فوائدها ؟ ✔ بتهدي البيبي و بتخفف من الألم ، نفس مبدأ الرضاعة ، بتهديه وقت النوم . 7)شو مضارها ؟ ❌ - ممكن تزيد من التهابات الاذن ، و هاي المشكلة ممكن نتجنبها بأنه نقلل وقت استخدامها اثناء اليوم ، يعني اذا بنستخدمها بس عشان نهدي البيبي وقت النوم ، هاي المشكلة بتختفي - ممكن تغير شكل الفك و الاسنان ، بس هاي المشكلة بتظهر اذا استخدمها الطفل لبعد عمر الثلاث و الاربع سنوات ، اذا فطمنا الطفل منها على عمر السنة او قبل ، هالمشكلة بتختفي - انك تضل حاطط اللهاية بفم الطفل طول النهار و الليل ، ممكن يأثر على تطور الحكي ، اذا الطفل مقضيها يعضعض باللهاية متى حيغرد 🐥 ؟ 8)شو بتحكي كلمة اخيرة للجمهور ؟ 🎤 اذا قررتوا تستخدموها ، ضروري تكون بس بأوقات محددة اثناء اليوم و نتخلص منها قبل عمر السنة . و لا تغمسوها بالعصير و الحلو و العسل ، و لا تربطوها برقبة البيبي او حوالين راسه ..