من تدخلين التاسع لازم تبدين بتدليك منطقة العجان حتى تتجنبن شق العجان واكو بالغوفل طريقه التدليك دلكي اكثر من 10 دقايق باليوم بزيت الزيتون او هذا الكريم تلكونه بالصيدليه والزيت زيتون تخلي داخل المهبل وبالخارج ويكون دافي والتدليك من داخل ومن برا وبطرق دائريه وخلي المنطقه دايما منكعه بالزيت حتى تتلين استعدادا للولاده ومن تحسين بالطلق سوي كمادات مي دافي مايل للحراره وخليها على المهبل ومنطة العجان الحراره تلين المنطقه وهم ادهنيها اذا الطلق بارد وتردينه يقوى خلي رجليج بمي دافي بي حراره وخلي حبة بركه وزيت زيتون ع النار شويه وادهني بيهم ضهرج وبطنج راح يفتح الرحم بألم اخف امشي بنات المشي ثم المشي اذا حسيتو باﻻم الطلق لان الجاذبيه الارضيه خلال الطلق جدا مهمه تسحب الجنين وماتخلي يلصق اذا ماتكدرين تمشين اوكفي بس لا تنسدحين اثناء الطلق اشربي ماء كل كم دقيقه خاصه اذا مي الراس نازل والي تكولج الماء يبرد الطلق لا تصدقين بالعكس انت راح تعرفين وتفقدين سوائل لازم تعوضيها بوقتها حتى تساعدج بالدفع وحتى تتجنبين حمى الولاده لا سمح الله اشوف دايما بنات يسألن على اشياء تفتح الرحم واشياء تجيب الولاده خاصه الي مخلصين شهرهم ولسه ماوالدات نصيحه لوجه الله ابتعدن عن الخلطات المشبوهه والي ماتعرفن شنو موادها والي تتكون من اعشاب وغيرها اكو خلطه احسن منهم مفيده ومقويه واكيد راح تنفع والي هي تمر وسمسم وزنجبيل وبذور رشاد وكمون اخلطيهم وسويهم على شكل طوبات واكلي منهم هم ينطوج قوه وهم يسهلن الولاده بأذن الله ابتعدن عن القرفه اذا الرحم مامفتوح ع الاقل 2 سم لان القرفه تسوي طلق بدون مايفتح الرحم وهذا غلط اما الخروع ف يابنات رجاءا لا تاخذوه اذا ماتحسين اكو الم طلق او الرحم مفتوح ع الاقل نص سم او بوصفه طبيه لان الخروع وضيفته يلين الاعضاء ويسهل خروج الجنين ف حاجته بوكت الولاده القرفصاء يابنات جدا مهمه عن تجربه واذا ماتكدرين وثكل متعبج سوي قرفصاء 10 مرات باليوم طولي بكل وحده 10 ثواني عجييييبه بفتح الرحم وتسهيل الولاده بأذن الله وطريقتها لازم ضهرج يكون بطريقه مستقيمه ورجليج متباعدات شويه واقعدي ع النص التمر لوحده شي لا يستهان بي للولاده وانذكر بالقران اكلي 7 حبات تمر على الريق او اي عدد فردي اول ماتكعدين من تدخلين الشهر التاسع لا تبقين كاعده وبس نايمه كافي كسل كومي اشتغلي بالبيت او سوي رياضه او ع الاقل امشي نص ساعه باليوم صعود ونزول الدرج يحرك منطقة الحوض بطريقه تمايل للشمال واليمين وهذا الشي ينزل راس الطفل بالحوض فأكثري منه للي طفلها لسه مو نازل واكو بنات هوايه اشوفهن داخلات التاسع او بالثامن ولسه الطفل راسه فوق ماداير تحت نصيحتي الج اكثري سجود واحبي هالطريقه تكبر المجال للطفل وتخلي يلف واخيرا اكثرو استغفار واقرو سورة الانشقاق والزلزله وقت الولاده الهن تأثير قوي