العضوة: 628380 , 4 years ago

شكله يجنن. لازم اعرف السر

العضوة: 383060 , 4 years ago

شوربة بروكلي

العضوة: 628380 , 4 years ago

سمعت عنها كتير. ونفسي اجربها بس معرفش طريقتها. ياريت الطريقة حبيبتي

العضوة: 383060 , 4 years ago

هون كانت اول تجربة الي بالمناقيش وخليت صورة عندي مشان ذكرى طلع معي خبز عادي وانبسطت لانو صار خبز 😂😂😂😂

العضوة: 628380 , 4 years ago

وياريت طريقة ورق العنب ( يبرق) بالطريقة الحلبية

العضوة: 383060 , 4 years ago

وهيك تقريبا ماضل عندي صور صبايا شو وين طبخاتكن ليكون مابتعرفو تطبخو هاا 😁

العضوة: 383060 , 4 years ago

هههه مانو سر ولا شي حبيبتي بس تجيبي ظرف الكباتشينو من دكان وتغلي كوب ماء وتحطي سكر معلقتين صغار او حسب رغبة بعدها حطي الكبتشينو فوقو وحطي ربع الكاسة او اقل مي مغلية وحركيهم منيح بتصير رغوة قوية 😍 وبعدها صبي باقي المي يعني املي الكوب وبس

العضوة: 383060 , 4 years ago

تكرم عيونك بس صراحتا هي المقلوبة لازم يحطو الباتنجان وهالشغلات بنطنجرة ويقلبوها اي انا طريقتي مختلفة اسهل بس بنفس طعمة .. اولا الرز بتجيبي رز بسمتي ااة رز طويل المهم وتغسلي طبعا وتحطي ع نار وتحطي مي تغمرو شي 2 سانتي هيك شي وبعدين بتحطي ملح ومكعبين ماجي وتستني المي لتغلي ودوقي الملح اذا بدو كمان او لا وبعدها تزبطي الملح وتعطي تحريكة وتغطي طنجرة وكل خمس دقايق شيلي الغطا وشوفي رز يعني ضل عينك عليه بس تنشف المي دغري طفي مشان ماينحرق الرز ومابياخد يادوب تلت ساعة وبعدين او وهو الرز ع نار بتجيبي مقلاية وبتقلي اول شي الباتنجان وبعدو بتقلي فستق مقشر ومو مملح وبعدو بتحمصي لحمة مفرومة اقل شي نص كيلو وبطالعي الرز بتسكبي بالصحن وترتبي فوقو الباتنجان والفستق ولحمة بتخلطيها مع رز خلط ولو حبيبتي تخلي شوية لحمة لتزيين كمان مافي مشكلة واطيب شي جنب المقلوبة هي سلطة خيار بلبن وتوم ونعاع يابس وبس 😍

العضوة: 383060 , 4 years ago

ونسيت لازم مع اللحمة فلفل اسود وشوووية ملح

العضوة: 383060 , 4 years ago

اليبرق اولا الحشوة سويتها على طريقتي وماحبيت غامر وغير طريقتي هههه واصلا مابتفرق شي عن الحلبية غير انو هنن مابحطو بندورة وبقدونس بس انا بحط نص كيلو رز لكل كيلو ورق عنب وباقة بقدونس تفرميها نااااعم وشي 3 بندورات او طماطم حسب لهجتكم وتوم شي 10 فصوص هلق انا بالعادة بحط شي 5 فصوص توم بس اليبرق بدو توم كتير ومعلقتين دبس بندورة او صلصة ونص كيلو لحمة واذا كنتي متلي مابتحبي اللحمة ككتير حطي ربع كيلو بيكفي لاتخافي مو قليل في لحمة تحت اليبرق كمان اي وفلفل اسود ونعناع يابس وملح وبتخلطيهن منيح منيح اي وبعدو بتجيبي طنجرة وتحطي فيها عضم غنم فيو لحمة يمكن بسموه ريس او هيك شي اهم شي يكون عضم غنم وعليه لحمة ودهنة منيح فهمتي علي صح اي وبتلفي ورق العنب وتربطي بخيوط وتحطي بطنجرة فوق اللحم والعضم وتحطيلن مي وملح ونعناع يابس شي انو تتعبا الطنجرة عالاخر تقريبا لان المحشي بيشرب المي بتعرفي وبتحطي تتقيله ةاذا ماعندي حطي صحن وفوق طنجرة صغيرة مي مثلا او حجرة نضيفة فوق صحن المهم شي يضغط عالورق شوي ولااازم الربط بالخيطان ولا رح ينفكو ويروح تعبك عالفاضي اي بس يمضا ساعة ونص بنحط مية حامض يعني عصير ليمون وخففي بالمي وضيفي شوية ملح عليه ونسيت كمان هههه بتفرمي 10 فصوص توم غير تبع الحشوة وبتخليهم هيك سليمين بدون دق وبتحطيهم بالبداية فوق العضم او بين ورق العنب قبل ماينحط ع نار هي اهم شغلة تحطي توم

العضوة: 628380 , 4 years ago

وااو تسلم ايدك. ان شاء الله اجربها

العضوة: 628380 , 4 years ago

اها جميلة جدا. تشبه طريقتي بس مش باستخدم توم ولا لحم الضاني..

العضوة: 383060 , 4 years ago

الله يسلمك حبيبتي انتي من وين!

العضوة: 858093 , 4 years ago

اصلا اليبرق مو طيب 😢مضر بصحه 😋😋😋😍بددددي

العضوة: 641753 , 4 years ago

الله يسامحك يا اختي ع صورة اليبرق بدك اليبرقة تطلع بوش الولد يعني😁 انااااا عشقي اليبرق بموت في بس يكون الاكل يبرق بضل اكل منو لحتى ماعاد اقدر اتنفس مع اني حامل وبوحامي بكره الاكل بس اليبرق غير شكل من شي اسبوعين عملتو وهلأ رجعتي شهيتيني عليه